Este traballo é froito do Equipo Com-Forma que estivo traballando desde principios do ano 2000 para sacar adiante un conxunto de modelos documentais (máis de 200 formularios) de uso frecuente para os profesionais da avogacía e son o único instrumento práctico que existe a día de hoxe para que os avogados superen a inseguridade xurídica que provoca neles uso da lingua galega nas súas relacións cos xulgados e tribunais.

Ademais engádese un pequeno Manual de redacción de documentos xurídicos que saíu directamente dos traballos de revisión e discusión sobre o modelo de lingua e unha Compilación de terminoloxía xurídica que reúne absolutamente todo o publicado ata o día de hoxe nesta especialidade lingüística. Os productos deste traballo van dirixidos principalmente á avogacía nova e a todos aqueles que teñan como interese a norma lingüística no sector da administración e nas relacións xurídicas.

A xestión deste complexo proxecto contou de maneira pioneira cunha web pública que desde os seus primieros pasos e que, concebida para dar transparencia deu a coñecer o equipo, a metodoloxía, o sistema de traballo e os obxectivos que perseguiu este equipo pluridisciplinar composto, tamén de maneira pioneira por lingüístas e xuristas (xa que este era o ámbito científico para o que se traballaba). Esa web deixa agora de ter vixencia ó superarse a estapa de desenvolvemento.

O proxecto presenta tamén unha faceta tecnolóxica relevante xa que para o manexo dos documentos creouse, desde o galego e desde 0, unha aplicación informática mixta entre manexador de ficheiros e procesador de textos que permite a adaptación total, a xestión e a impresión dos documentos nun formato público e non-limitado (Editor Com-Forma v.1). O uso desta aplicación é libre e gratuíto.

Ademais todo o sistema está preparado para a actualización automática de novidades (novos formularios, terminoloxía, etc) a través de Internet e todos os contidos están tamén dispoñibles de maneira independente nun buscador en web e individualizada a través da visita á web do SAL

É o noso obxectivo completar este primeiro paso coa edición dun Léxico xurídico completo castelán-galego, sobre a base do traballo xa realizado, xa que a elaboración dos formularios, manual e compilación creou unha unha importante base técnica que xa queda semielaborada.